امامیہ اسٹوڈنٹس آرگنائزیشن پاکستان کے مرکزی نائب صدر نے مرکزی سیکرٹریٹ لاہور میں ماہ رمضان کے دوسرے عشرہ کے حوالے سے ایک نشست سے خطاب کرتے ہوئے کہا کہ آئی ایس او ماہ صیام کے دوسرے عشرہ کو قرآن و امامت کے نام سے منا رہی ہے، قرآن مجید کی تعلیمات و سیرت محمد و آل محمد کے حوالے سے ملک بھر میں پروگرامات کا انعقاد کیا جائے گا۔ انہوں نے مزید کہا کہ 15 رمضان المبارک ولادت امام حسن علیہ السلام کے موقع پر ڈویژنز و یونٹس میں جشن کے پروگرامات منعقد کئے جائیں گے جبکہ شہادت امیر المومنین حضرت علی کرم اللہ وجہہ کے موقع پر مجالس عزاء کا اہتمام کیا جائے گا۔ انہوں نے مزید کہا کہ یوم علی علیہ السلام کے موقع پر ملک بھر میں سکیورٹی فرائض امامیہ اسکاوٹس سرانجام دیں گے۔ انہوں نے کہا کہ آئی ایس او نے ماہ رمضان کے پہلے عشرہ کو قرآن و خوسازی کے نام سے منایا، اس حوالے سے ملک بھر میں تربیتی ورکشاپس کا آغاز ہو چکا ہے جبکہ امامیہ اسکاوٹس کے زیر اہتمام نائٹ کیمپس کا سلسلہ بھی جاری ہے۔
